तरकारीको रुपमा तपाइले कुरिलो सेवन गर्नु भएको छ होला । निकै महंगोमा बिक्रि हुने कुरिलो खेतीमा समेत पछिल्लो समय मानिसहरुको आकर्षण बढ्दै गएको छ ।

कुरिलो स्वास्थ्यका हिसाबमा निकै उपयोगी वनस्पति हो । यसमा भरपुर मात्रामा प्रोटिन हुन्छ । प्रायः सवैले कुरिलो चिनेको भएपनि यसको फाइदाबारे जानकारी नहुन सक्छ ।

कोरोना महामारीका बेलामा शरीरमा आवश्यक रोग प्रतिरोधात्मक क्षमता विकासका लागि आहारको व्यवस्थापन निकै महत्व पूर्ण कुरा हो । कुरिलोले रोग प्रतिरोधि क्षमता वृद्धि हुने आयुर्वेदमा उल्ले्ख गरिएको छ ।

नेपालको मैदानी जंगलदेखि हिमाली भूभागसम्ममा पाइने कुरिलोलाई आयुर्वेदले औषधीको रानी मान्छ । कुरिलो काँडा भएको र नभएको गरी दुइ प्रकारमा पाइन्छ ।

उच्च हिमाली भेगमा पाइने कुरिलोलाइ अस्पारागस पिलिसिनस भनिन्छ यसको काँडा हुँदैन । तर औषधिय गुण भने समान हुन्छ ।

एस्मेरेगेमिन ए नामक पोलिसाइक्लिक अल्कालाइड स्टेराइ आयुर्वेदले बुध्दिवर्धक अग्निवर्धक र शुक्रदौर्बल्य नाश गर्ने औषधीय गुण भएको भनेर चर्चा गरेको छ ।

कुरिलोको सेवन पीडा कम गर्न मात्र नभएर स्तनपान गराइरहेका महिलाको दुधको मात्रा बढाउन, पिसाब पोल्ने समस्या हटाउन, कामोत्तेजना वृधदिका लागी, अनिद्रा, भोक नलाग्ने समस्या, पाचन प्रणालीमा सुधार, पेटको ट्युमर, घाँटीमा भएको संक्रमण ब्रोंकाइटिस लगायतका रोगको उपचारका लागि कुरिलो उत्तम मानिन्छ ।

यी रोगको उपचारका लागि कुरिलोको जरा तथा काण्ड दुबै प्रयोग गरिन्छ । अंग्रेजीमा Asparagus भनिने Asparagus racemosus वानस्पतिक नाम भएको कुरिलोलाइ संस्कृतमा शतावरी भनिन्छ ।

LEAVE A REPLY

Please enter your comment!
Please enter your name here